CURSO MODULAR I.R. (A) MULTIMOTOR


O obxectivo do curso é formar a pilotos titulares dunha PPL(A) ou unha CPL(A) que inclúan as atribucións para voar pola noite, emitidas de acordo co Anexo 1 de OACI, baixo a supervisión do Xefe de Ensino dunha FTO ao nivel de coñecementos teóricos requiridos para unha Habilitación de Voo Instrumental.

O Curso comprenderá 200 horas de ensino teórico. As materias que se contemplan no programa son as seguintes:

• Dereito Aéreo e Procedementos ATC.
• Coñecemento Xeral das Aeronaves.
• Performance e Planificación de voo.
• Actuacións e Limitacións Humanas.
• Meteoroloxía.
• Navegación.
• Procedementos Operacionais.
• Radiotelefonía.

Instrución en voo:

O Curso para I.R.(A) en avión multimotor, comprenderá 55 horas de tempo de Instrumentos baixo instrución das cales:

• 55 na fase de voo real:

• 40 horas monomotor.
• 15 horas multimotor.

Unha vez finalizado o adestramento, o candidato deberá demostrar a súa pericia no simulador e no voo en ambas as probas de pericia realizadas nesta FTO.

Superadas estas dúas probas, o aspirante será presentado ao FE.

Contido e duración da instrución en voo:

A instrución realizarase nun avión con certificado de aeronavegabilidade que responda ás condicións técnicas esixidas para o voo IFR. As probas prácticas serán dúas:

• Manobras básicas con referencia aos instrumentos.
• Navegación baixo regras de voo instrumental

O alumno aspirante non comezará a fase de voo ata completar a fase de instrución en manobras básicas de simulador reflectidas na Fase de Simulador.

 

REQUISITOS: • O aspirante deberá posuír Licenza de Piloto Privado e Calificación de Voo Nocturno. • O aspirante deberá posuír unha experiencia de 50 horas de voo realizadas en voos de travesía.